ಧಾರವಾಡ prajakiran.com : ಮಹಾರಾಷ್ಟ್ರದಿಂದ ತವರು ಮನೆಗೆ ಬಂದ ಗರ್ಭೀಣಿಗೂ ಕರೋನಾ ಸೋಂಕು ಹರಡಿದ ಪ್ರಕರಣ ವಿದ್ಯಾನಗರಿ ಧಾರವಾಡದಲ್ಲಿ ದೃಢಪಟ್ಟಿದೆ.
ಧಾರವಾಡದ ಜನ್ನತ್ ನಗರದ ಸೋಂಕಿತ ಪಿ- 8754 ಸೋಂಕಿತ 30 ವರ್ಷದ ಮಹಿಳೆ ಮಹಾರಾಷ್ಟ್ರದ ಸೋಲಾಪುರದ ಬಿಜಾಪೂರ ನಾಕಾ ಭುಖಾರಿಯಾ ಮಸೀದ ಹತ್ತಿರದ ನಿವಾಸಿ ಹೆರಿಗೆಗಾಗಿ ತಂದೆ ಮನೆಗೆ ಬಂದಿದ್ದಾಳೆ.
ಈ ಮಹಿಳೆ ಜೂನ್ 18 ರಂದು ಮಹಾರಾಷ್ಟ್ರದಿಂದ ಧಾರವಾಡ ಜಿಲ್ಲಾ ಆಸ್ಪತ್ರೆ ಗೆ ಬಂದು ಗಂಟಲು ತಪಾಸಣೆ ಮಾಡಿಸಿ ಜನ್ನತ ನಗರದ ತನ್ನ ತಂದೆ ಮನೆಯಲ್ಲಿ ಹೋಮ್ ಕ್ವಾರೆಂಟೆನ ಇದ್ದರು. ಅವರಿಗೆ ಜೂನ್ 21 ರಂದು ಪಾಸಿಟಿವ್ ಬಂದಿರುವುದಾಗಿ ಗೊತ್ತಾಗಿದೆ.
ಈ ಹಿನ್ನಲೆಯಲ್ಲಿ ಆ ಮಹಿಳೆಯನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆ ಗೆ ದಾಖಲು ಮಾಡಿ ಚಿಕಿತ್ಸೆ ನೀಡಲಾಗುತ್ತಿದೆ. ಪಾಸಿಟಿವ್ ಬಂದ ಹೆಣ್ಣು ಮಗಳು ಒಂಭತ್ತು ತಿಂಗಳ ತುಂಬು ಗರ್ಭಣಿ ಇದ್ದಾಳೆ ಎಂದು ಹೇಳಲಾಗುತ್ತಿದೆ.
ಇದರಿಂದಾಗಿ ಆಕೆಯ ಕುಟುಂಬಸ್ಥರು ಹಾಗೂ ಸಂಬಂಧಿಕರು ಆತಂಕಗೊಂಡಿದ್ದಾರೆ.
ಈ ಹಿಂದೆ ಬಾಗಲಕೋಟೆ ಜಿಲ್ಲೆಯ ಬಾದಾಮಿ ತಾಲೂಕಿನ ಡಾಣಕಶಿರೂರು ಗ್ರಾಮದ ಒಬ್ಬ ಗರ್ಭೀಣಿಗೆ ಕರೋನಾ ಸೋಂಕು ಬಂದು ಆಕೆಗೆ ಹುಬ್ಬಳ್ಳಿಯ ಕಿಮ್ಸ್ ನಲ್ಲಿ ದಾಖಲು ಆಗಿ ಚಿಕಿತ್ಸೆ ಪಡೆದು ಗುಣಮುಖವಾಗಿದ್ದನ್ನು ಇಲ್ಲಿ ಸ್ಮರಿಸಬಹುದು.
