ಗದಗ prajakiran.com : ಗದಗ ಜಿಲ್ಲೆಯ ವೈದ್ಯರೊಬ್ಬರಿಗೆ ಕರೋನಾ ಸೋಂಕು ಶನಿವಾರ ವಕ್ಕರಿಸಿದ್ದು, ಇವತ್ತು ವೈದ್ಯ ಸೇರಿ ಮತ್ತೇ ನಾಲ್ವರಿಗೆ ಸೋಂಕು ತಗುಲಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆಗೊಳಿಸಿರುವ ಹೆಲ್ತ್ ಬುಲೇಟಿನ್ ತಿಳಿಸಿದೆ.
ಸೋಂಕಿತರನ್ನು ಜಿಡಿಜಿ38 ಪಿ-5014 ನೇ ಸೋಂಕಿತ 29 ವರ್ಷದ ಯುವಕನಾಗಿದ್ದು ಇವರಿಗೆ ಯಾರಿಂದ ಸೋಂಕು ಹರಡಿದೆ ಎಂಬುದು ಪತ್ತೆ ಹಚ್ಚಲಾಗುತ್ತಿದೆ.
ಅದೇ ರೀತಿ ಜಿಡಿಜಿ39 ಪಿ-5015 ನೇ ಸೋಂಕಿತ 28 ವರ್ಷದ ಯುವಕನಾಗಿದ್ದು, ಇವರಿಗೆ ಪಿ 4079 ಸೋಂಕಿತನ ಸಂಪರ್ಕದಿಂದಲೇ ಹರಡಿದೆ.
ಇನ್ನುಳಿದಂತೆ ಜಿಡಿಜಿ40 ಪಿ-5016 ನೇ ಸೋಂಕಿತ 32 ವರ್ಷದ ಯುವಕನಿಗೆ ಪಿ 4079 ಸೋಂಕಿತನ ಸಂಪರ್ಕದಿಂದ ತಗುಲಿದೆ.
ಆದರೆ ಜಿಡಿಜಿ41 ಪಿ-5017 ನೇ ಸೋಂಕಿತ 29 ವರ್ಷದ ಯುವಕನಾಗಿದ್ದು, ಇವರಿಗೆ ಯಾರಿಂದ ಸೋಂಕು ಹರಡಿದೆ ಎಂಬುದು ಪತ್ತೆ ಹಚ್ಚಲಾಗುತ್ತಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
ಆ ಮೂಲಕ ಗದಗ ಜಿಲ್ಲೆಯ ಸೋಂಕಿತರ ಸಂಖ್ಯೆ ಈವರೆಗೆ 41ಕ್ಕೆ ಏರಿಕೆಯಾಗಿದ್ದು, ಈ ಪೈಕಿ 26 ಜನರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.
ಇನ್ನೂ 13 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈವರೆಗೆ ಗದಗ ಜಿಲ್ಲೆಯಲ್ಲಿ ಇಬ್ಬರು ಸಾವನ್ನಪ್ಪಿರುವುದು ಜಿಲ್ಲೆಯ ಜನತೆಯನ್ನು ಬೆಚ್ಚಿ ಬೀಳಿಸಿದೆ.