ಧಾರವಾಡ prajakiran.com : ಧಾರವಾಡದ ಟಾಟಾ ಮಾರ್ಕೋಪೋಲೋ ಕಂಪನಿಯಲ್ಲಿ ಮತ್ತೆ ಕೊರೋನ ವೈರಸ್ ಹಾವಳಿ ಹೆಚ್ಚಾಗಿದೆ.
ಈವರೆಗೆ ಒಟ್ಟು 30ಕ್ಕೂ ಹೆಚ್ಚುಜನರಿಗೆ ಪಾಸಿಟಿವ್ ಕೇಸ್ ಇರುವುದರ ಬಗ್ಗೆ ಬೇಲೂರು ಕೈಗಾರಿಕಾ ವಲಯ ಕೋವಿಡ್ ಹರಡುವಿಕೆ ಬಗ್ಗೆ ಜಿಲ್ಲಾಧಿಕಾರಿ ಮಾಹಿತಿ ಕೇಳಿದ್ದಾರೆ.
ಟಾಟಾ ಮಾರ್ಕೋಪೋಲೋ ಕಂಪೆನಿಯ 30 ಕ್ಕಿಂತ ಹೆಚ್ಚು ನೌಕರರಿಗೆ ಕೊರೊನಾ ಪಾಸಿಟಿವ್ ದೃಢಪಟ್ಟಿದ್ದರಿಂದ ಕಂಪನಿಯನ್ನು ಸೀಲ್ ಡೌನ್ ಮಾಡಿಲ್ಲ.
ಅಷ್ಟೇ ಅಲ್ಲದೇ ಕಾರ್ಮಿಕರಿಗೆ ಅಗತ್ಯ ಆರೋಗ್ಯ ತಪಾಸಣೆ ನಡೆಸಿಲ್ಲ ಎಂಬ ಆರೋಪ ಕೇಳಿ ಬಂದ ಹಿನ್ನಲೆಯಲ್ಲಿ ಸಂಪೂರ್ಣ ಮಾಹಿತಿ ನೀಡುವಂತೆ ಸೂಚಿಸಿದ್ದಾರೆ.
ಅಸೆಂಬ್ಲಿ ಬಿ ನಲ್ಲಿ ಕೆಲಸ ಮಾಡುವ 10, ಪೆನಲಿಂಗ್ ನಲ್ಲಿ ಕೆಲಸ ಮಾಡುವ 8 ಹಾಗೂ ಪೇಂಟ್ ಶಾಪ್ ನಲ್ಲಿ ಕಾರ್ಯನಿರ್ವಹಿಸುವ 6 ನೌಕರರಿಗೆ ಸೋಂಕು ದೃಢಪಟ್ಟಿದೆ.
ಇನ್ನೂ ಕಂಪನಿಯಲ್ಲಿ ಸರಿ ಸುಮಾರು 1174 ಜನ ಕಾರ್ಮಿಕರಿದ್ದು, 200 ಜನ ಸುಪರವೈಸರ್ ಕಾರ್ಯ ನಿರ್ವಹಿಸುತ್ತಿದ್ದಾರೆ.
ಸೋಂಕಿತ ನೌಕರರಿಗೆ ಕಂಪೆನಿಯ ಹೆಸರು ಹೇಳದಂತೆ ಒತ್ತಡ ಹೇರಲಾಗಿದೆ ಎಂಬ ಆರೋಪ ಕೇಳಿ ಬಂದ ಹಿನ್ನಲೆಯಲ್ಲಿ ಜಿಲ್ಲಾಡಳಿತ ಇದನ್ನು ಗಂಭೀರವಾಗಿ ಪರಿಗಣಿಸಿದೆ.
ಇದರಿಂದಾಗಿ ಕಂಪನಿಯಲ್ಲಿ ಕೆಲಸ ಮಾಡುವ ಉಳಿದ ನೌಕರರಿಗೂ ಆತಂಕ ಶುರುವಾಗಿದ್ದು, ಜಿಲ್ಲಾಡಳಿತಕ್ಕಾದರೂ ಸಕರಾತ್ಮಕವಾಗಿ ಸ್ಪಂದಿಸುತ್ತಾ ಇಲ್ಲವೇ ಎಂಬುದು ಕಾದು ನೋಡಬೇಕಿದೆ.