ಬೆಂಗಳೂರು ಪ್ರಜಾಕಿರಣ. ಕಾಮ್ : ಸಹಶಿಕ್ಷಕರ ಅಕ್ರಮ ನೇಮಕಾತಿ ಪ್ರಕರಣದ ತನಿಖೆ ಚುರುಕುಗೊಳಿಸಿರುವ ಸಿಐಡಿ 30 ವಿಶೇಷ ತನಿಖಾ ತಂಡಗಳ ಮೂಲಕ ಏಕಕಾಲಕ್ಕೆ 51 ಕಡೆಗಳಲ್ಲಿ ದಾಳಿ ನಡೆಸಿ, 38 ಸಹಶಿಕ್ಷಕರನ್ನು ಬಂಧಿಸಿದೆ.
2013-14 ಸಾಲಿನ ಶಿಕ್ಷಕರ ನೇಮಕಾತಿ ಅಕ್ರಮ ಕುರಿತು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕರ ದೂರಿನ ಮೇರೆಗೆ ಹಲಸೂರು ಗೇಟ್ ಪೊಲೀಸ್ ಠಾಣೆಯಲ್ಲಿ ಮೂರನೇ ಎಫ್ ಐ ಆರ್ ದಾಖಲಾಗಿದೆ.
ಈ ಪ್ರಕರಣದ ತನಿಖೆ ನಡೆಸಲು 18 ಡಿವೈಎಸ್ಪಿ ಮತ್ತು 15 ಇನ್ಸಪೆಕ್ಟರ್ ಗಳು ಕೋಲಾರ, ಚಿಕ್ಕಬಳ್ಳಾಪುರ, ಬೆಂಗಳೂರು ದಕ್ಷಿಣ, ಚಿತ್ರದುರ್ಗ ಜಿಲ್ಲೆಯ 51 ಸ್ಥಳಗಳಲ್ಲಿ ನಡೆಸಿದೆ.
ಕೋಲಾರದಲ್ಲಿ 24, ಬೆಂಗಳೂರಿನಲ್ಲಿ 5, ಚಿಕ್ಕಬಳ್ಳಾಪುರ ದಲ್ಲಿ 3 ಹಾಗೂ ಚಿತ್ರದುರ್ಗ ದಲ್ಲಿ ಆರು ಜನರನ್ನು ಬಂಧಿಸಿದೆ.
ಈಗಾಗಲೇ ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ 2012-13, 2013-24 ಸಾಲಿನ ಸಹ ಶಿಕ್ಷಕರ ಅಕ್ರಮ ನೇಮಕಾತಿ ಕುರಿತು ಎರಡು ಪ್ರತ್ಯೇಕ ಪ್ರಕರಣ ದಾಖಲಾಗಿದ್ದು, ಈವರೆಗೆ 15 ಜನ ಶಿಕ್ಷಕರು, 5 ಅಧಿಕಾರಿಗಳು ಸೇರಿದಂತೆ 22 ಜನರನ್ನು ಬಂಧಿಸಲಾಗಿದೆ.