ಬೆಂಗಳೂರು prajakiran.com : ಸ್ಯಾಂಡಲ್ ವುಡ್ ಲೋಕದ ಮಾದಕ ನಟಿ ರಾಗಿಣಿ ದ್ವಿವೇದಿ ಇಬ್ಬರು ಬಾಯ್ ಫ್ರೆಂಡ್ಸ್ ಸಿಸಿಬಿ ಪೊಲೀಸರ ಖೆಡ್ಡಾಕ್ಕೆ ಬಿದ್ದಿದ್ದಾರೆ.
ಮೊದಲ ಬಾಯ್ ಫ್ರೆಂಡ್ ಸಿನಿಮಾ ನಿರ್ಮಾಪಕನಾಗಿದ್ದ ಶಿವಪ್ರಕಾಶ ಚಪ್ಪಿ ಡ್ರಗ್ಸ್ ಜಾಲದ ಕೇಸ್ ನಲ್ಲಿ ಎ 1 ಆಗಿದ್ದರೆ, ರಾಗಿಣಿ ದ್ವಿವೇದಿ ಎ 2, ದೆಹಲಿ ಮೂಲದ ವೀರೇನ್ ಖನ್ನಾ ಎ 3, ಪ್ರಶಾಂತ್ ರಂಕಾ ಎ 4, ವೈಭವ ಜೈನ್ ಎ 5 , ಆದಿತ್ಯ ಆಳ್ವಾ ಎ 6, ಲೂಮಾ ಪೆಪ್ಪರ್ ಎ 7 ಮಾಡಲಾಗಿದೆ.
ಒಟ್ಟು 12 ಜನರ ವಿರುದ್ದ ಡ್ರಗ್ಸ್ ಪಾರ್ಟಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ. ಈ ವೇಳೆ ಎಂಡಿ ಎಂ ಎ ಡ್ರಗ್ಸ್ ಸರಬರಾಜು ಆಗಿತ್ತು ಎನ್ನಲಾಗಿದೆ.
ಇವರ ವೇಲೆ ಸೆಕ್ಷನ್ 21, 27, ಅಪರಾಧ, ಒಳಸಂಚು ಆರೋಪ ಸೇರಿದಂತೆ ಹಲವು ಸೆಕ್ಷನ್ ಗಳಅಡಿ ಪ್ರಕರಣ ದಾಖಲಿಸಲಾಗಿದೆ.
ಬೆಂಗಳೂರಿನ ಕಾಟನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಸಿಸಿಬಿ ಎಸಿಪಿ ಗೌತಮ್ ಕುಮಾರ ಈ ಕುರಿತು ದೂರು ದಾಖಲಿಸಿದ್ದಾರೆ.
ಜು. 6ರಂದು ಬೆಂಗಳೂರಿನ ಹೊರವಲಯದಲ್ಲಿರುವ ಯಲಹಂಕದ ರೆಸಾರ್ಟ್ ನಲ್ಲಿ ಮಧ್ಯರಾತ್ರಿ ನಂತರ ಈ ಹೈ ಎಂಡ್ ಪಾರ್ಟಿ ನಡೆದಿತ್ತು. ಅದರಲ್ಲಿ ನಟಿ ರಾಗಿಣಿ, ರವಿಶಂಕರ್, ರಾಹುಲ್ ಸಹ ಭಾಗವಹಿಸಿದ್ದರು.
