ನವದೆಹಲಿ prajakiran.com : ಕರೋನಾ ನಿಯಂತ್ರಿಸುವಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ನೇತೃತ್ವದ ಬಿಜೆಪಿ ಸರಕಾರ ಸಂಪೂರ್ಣ ವಿಫಲವಾಗಿದ್ದು, ಇದರ ವಿರುದ್ದ ಕಾಂಗ್ರೆಸ್ ಅಧಿನಾಯಕ ರಾಹುಲ್ ಗಾಂಧಿ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.
ಅಮೆರಿಕ ಜತೆಗಿನ ವಿದೇಶಾಂಗ ನೀತಿಯಿಂದಾಗಿ ಮೋದಿ ಭಾರತವನ್ನು ದುರ್ಬಲಗೊಳಿಸಿದ್ದಾರೆ ಎಂದು ಟೀಕಿಸಿದ್ದಾರೆ. ಅಮೆರಿಕವು ಕಾಶ್ಮೀರ ಸೇರಿ ದೇಶದ ಆಂತರಿಕ ವಿಚಾರದಲ್ಲಿ ಹಸ್ತಕ್ಷೇಪ ಮಾಡುತ್ತಿದೆ ಎಂದು ಆರೋಪಿಸಿದ್ದಾರೆ.
ಅದರಲ್ಲೂ ಅಮೆರಿಕದ ಸಂಸ್ಥೆಗಳು ಗೃಹಸಚಿವ ಅಮಿತ್ ಶಾ ಗೆ ನಿರ್ಬಂಧ ಹೇರಲು ಮುಂದಾಗಿವೆ ಎಂಬ ಗಂಭೀರವಾದ ಆಪಾದನೆ ಮಾಡಿದ್ದಾರೆ.
ಭಾರತದಲ್ಲಿ ಧಾರ್ಮಿಕ ಸ್ವಾತಂತ್ರ್ಯದ ಕೊರತೆಯನ್ನು ಟೀಕಿಸುತ್ತಿದೆ. #TruthwithRahulGandhi ಎಂದು ವಾಗ್ದಾಳಿ ನಡೆಸಿದ್ದಾರೆ.
ಅದರಲ್ಲೂ ಆರ್ಥಿಕತೆ ನಮ್ಮ ದೇಶದ ಹೆಮ್ಮೆಯಾಗಿತ್ತು. ಇಡೀ ಪ್ರಪಂಚಕ್ಕೆ ನಮ್ಮ ಆರ್ಥಿಕತೆ ಮಾದರಿಯಾಗಿತ್ತು. ಈಗ ಅದು ಪಾತಾಳಕ್ಕೆ ಕುಸಿದಿದ್ದು, 50 ವರ್ಷಗಳಲ್ಲೇ ಅತಿ ಕೆಟ್ಟ ಸ್ಥಿತಿ ತಲುಪಿದೆ ಎಂದು ರಾಹುಲ್ ಗಾಂಧಿ ಕುಟುಕಿದ್ದಾರೆ.
40-50 ವರ್ಷಗಳಲ್ಲಿ ಗರಿಷ್ಠ ನಿರುದ್ಯೋಗ ಅನುಭವಿಸುತ್ತಿದ್ದೇವೆ. ನಮಗೆ ಶಕ್ತಿಯಾಗಿದ್ದ ವಿಚಾರಗಳೇ ಇಂದು ನಮ್ಮ ದೌರ್ಬಲ್ಯಗಳಾಗಿವೆ ಎಂದು ವಿವರಿಸಿದ್ದಾರೆ. @RahulGandhi
