ಗದಗ prajakiran.com : ಗದಗ ಶಹರ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಒಟ್ಟು 2 ಲಕ್ಷದ 35 ಸಾವಿರ ಮೌಲ್ಯದ ವಿವಿಧ ಕಂಪನಿಯ 20 ಮೋಬೈಲ್ ಗಳನ್ನು ಪೊಲೀಸರು ಶ್ರಮ ವಹಿಸಿ ಪತ್ತೆ ಹಚ್ಚಿ ಮೂಲ ಮಾಲಕರಿಗೆ ಒಪ್ಪಿಸಿ ಪ್ರಾಮಾಣಿಕತೆ ಮೆರದಿದ್ದಾರೆ.
ಗದಗ ಎಸ್ ಪಿ , ಡಿಎಸ್ ಪಿ ಅವರ ಮಾರ್ಗದರ್ಶನದಲ್ಲಿ ಗದಗ ಶಹರ ಪೊಲೀಸ್ ಠಾಣೆಯ ಸಿ ಪಿ ಐ ಪಿ ವ್ಹಿ ಸಾಲಿಮಠ ಹಾಗೂ ಅಪರಾಧ ವಿಭಾಗದ ಪಿಎಸ್ ಐ ಶ್ರೀಮತಿ ಜಿ ಟಿ ಜಕ್ಕಲಿ ಇವರ ನೇತೃತ್ವದಲ್ಲಿ ಸಿಬ್ಬಂದಿಗಳಾದ ವ್ಹಿ ಎಸ್ ಶೆಟ್ಟಣ್ಣವರ ,ಬಿ ಜಿ ಹೊರಕೇರಿ, ಆರ್ ಜಿ ಬೇವಿನಕಟ್ಟಿ. ಹನುಮಂತ ಯಡಿಯಾಪೂರ, ಪಿ ಎಸ್ ಕಲ್ಲೂರ ಡಿಪಿಓ ಗದಗ ಸಿಬ್ಬಂದಿಯಾದ ಗುರು ಬೂದಿಹಾಳ ಇವರ ದಕ್ಷ ಹಾಗೂ ಪ್ರಮಾಣಿಕತೆಯಿಂದ ಈ ಜಾಲವನ್ನು ಕಂಡು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ .
ಗದಗ ಶಹರ ಪೊಲೀಸರ ಕಾರ್ಯಕ್ಕೆ ಹಿರಿಯ ಅಧಿಕಾರಿಗಳು ಹಾಗೂ ಮೋಬೈಲ್ ಕಳೆದುಕೊಂಡ ಜನತೆ ಮತ್ತೆ ಮರಳಿ ಮೊಬೈಲ್ ಸಿಕ್ಕ ಖುಷಿಯಲ್ಲಿರುವ ಜನರು ಅಧಿಕಾರಿಗಳಿಗೆ ,ಸಿಬ್ಬಂದಿಗಳಿಗೆ ಹೃದಯಪೂರ್ವಕ ಧನ್ಯವಾದಗಳು ಹೇಳಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.