ಧಾರವಾಡ prajakiran.com : ಜಿಲ್ಲೆಯಲ್ಲಿ ಕರೋನಾ ಸೋಂಕು ದಿನೇ ದಿನೇ ಹೆಚ್ಚುತ್ತಿರುವುದರಿಂದ ಕೋವಿಡ್-೧೯ ನಿಯಂತ್ರಣ ಮಾಡಲು ಮತ್ತು ಸಾರ್ವಜನಿಕರ ಹಾಗೂ ಕಚೇರಿ ಸಿಬ್ಬಂದಿಗಳ ಆರೋಗ್ಯ ಕಾಪಾಡಲು ಕಂದಾಯ ಇಲಾಖೆಯ ಕೆಲವು ಸೌಲಭ್ಯಗಳನ್ನು ಇ-ಮೇಲ್ ಮತ್ತು ವಾಟ್ಸ್ಪ್ ಮೂಲಕ ನೀಡಲು ಕ್ರಮ ಕೈಗೊಂಡಿದೆ.
ಸೇವೆಗಳನ್ನು ಪಡೆಯಲು ಪದೆ ಪದೇ ಕಚೇರಿಗೆ ಅರ್ಜಿ ಸಲ್ಲಿಸಲು ಬರುತ್ತಿರುವುದರಿಂದ ಸಾರ್ವಜನಿಕರ ಹಾಗೂ ಸಿಬ್ಬಂದಿಗಳ ಆರೋಗ್ಯ ಕಾಪಾಡುವ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಧಾರವಾಡ ತಹಶೀಲ್ದಾರ ಕಛೇರಿಗೆ ವಿವಿಧ ಕೆಲಸಗಳಿಗಾಗಿ ಅರ್ಜಿ ಸಲ್ಲಿಸುವವರು tahasildardwd@gmail.com ಇಮೇಲ್ಗೆ ಅರ್ಜಿ ಸಲ್ಲಿಸಬಹುದು. ಹಾಗೂ ವಾಟ್ಸ್ಪ್ ಮೂಲಕ ಅರ್ಜಿ ಸಲ್ಲಿಸುವವರು.
ಮೊಬೈಲ್ ನಂ. ೭೬೧೯೪೭೧೦೯೩ ಗೆ ಅರ್ಜಿಯ ಫೋಟೊ ಪ್ರತಿ ಸಲ್ಲಿಸುವುದು, ಈ ಕಚೇರಿಯಿಂದ ಸಿಗುವ ಸಾಮಾಜಿಕ ಭದ್ರತೆ ಯೋಜನೆ, ಹಾಗೂ ವಿವಿಧ ಪ್ರಮಾಣ ಪತ್ರಗಳಿಗಾಗಿ ಗ್ರಾಮ ಪಂಚಾಯತದಲ್ಲಿನ ಬಾಪೂಜಿ ಸೇವಾ ಕೇಂದ್ರ ಹಾಗೂ ಆನ್ಲೈನ್ ಕೇಂದ್ರದಲ್ಲಿ ಪಹಣಿ ಪತ್ರಿಕೆಗಳನ್ನು ಪಡೆಯಬಹುದು.
ಈ ಕಚೇರಿಯ ದೂರವಾಣಿ ಸಂಖ್ಯೆ ೦೮೩೬-೨೨೩೩೮೨೨ ಗೆ ಕರೆ ಮಾಡಿ ತಮಗೆ ಮಾಹಿತಿಯನ್ನು ಪಡೆದುಕೊಳ್ಳಬಹುದು ಎಂದು ಧಾರವಾಡ ತಹಶೀಲ್ದಾರ ಸಂತೋಷ ಬಿರಾದಾರ ತಿಳಿಸಿದ್ದಾರೆ.
ಉಪ ವಿಭಾಗಾಧಿಕಾರಿಗಳ ಕಚೇರಿ ಸಂಪರ್ಕ ಸಂಖ್ಯೆ ಮತ್ತು ಇ-ಮೆಲ್ ವಿಳಾಸ : ಸಾರ್ವಜನಿಕರು ಕಚೇರಿಗೆ ಬರುವುದನ್ನು ಕಡಿಮೆ ಮಾಡಿ ತಮ್ಮ ಅರ್ಜಿ/ ಇತರೆ ಆಹವಾಲುಗಳನ್ನು ಉಪವಿಭಾಗಾಧಿಕಾರಿ ಕಾರ್ಯಾಲಯದ ವಾಟ್ಸ್ಆಪ್ ನಂ:೯೪೮೧೧೩೦೯೨೨ ಅಥವಾ ಇ-ಮೇಲ್- accwd_123@yahoo.com ಮೂಲಕ ಅರ್ಜಿ ಸಲ್ಲಿಸಬಹುದು ಎಂದು ಉಪವಿಭಾಗಾಧಿಕಾರಿಗಳು ತಿಳಿಸಿದ್ದಾರೆ.
ಜಿಲ್ಲಾಧಿಕಾರಿಗಳ ಕಚೇರಿ, ಉಪವಿಭಾಗಾಧಿಕಾರಿಗಳ ಕಚೇರಿ ಹಾಗೂ ಜಿಲ್ಲೆಯ ಎಲ್ಲ ತಹಶೀಲ್ದಾರ ಕಚೇರಿಗಳ ವಾಟ್ಸಪ್ ನಂಬರ್ ಮಾಹಿತಿ.
1. ಜಿಲ್ಲಾಧಿಕಾರಿಗಳ ಕಚೇರಿ, ಧಾರವಾಡ- 9449847641
2. ಉಪವಿಭಾಗಾಧಿಕಾರಿಗಳ ಕಚೇರಿ, ಧಾರವಾಡ- 9481130922
3. ತಹಶೀಲ್ದಾರ ಕಚೇರಿ, ಧಾರವಾಡ- 7619471093
4. ತಹಶೀಲ್ದಾರ ಕಚೇರಿ, ಹುಬ್ಬಳ್ಳಿ ನಗರ- 8088785423
5. ತಹಶೀಲ್ದಾರ ಕಚೇರಿ, ಹುಬ್ಬಳ್ಳಿ- 7019674817
6. ತಹಶೀಲ್ದಾರ ಕಚೇರಿ, ನವಲಗುಂದ- 9880237524
7. ತಹಶೀಲ್ದಾರ ಕಚೇರಿ, ಅಣ್ಣಿಗೇರಿ- 9008249921
8. ತಹಶೀಲ್ದಾರ ಕಚೇರಿ, ಕುಂದಗೋಳ – 7022477439
9. ತಹಶೀಲ್ದಾರ ಕಚೇರಿ, ಕಲಘಟಗಿ- 9880922510
10. ತಹಶೀಲ್ದಾರ ಕಚೇರಿ, ಅಳ್ನಾವರ- 8867039431.
ಜಿಲ್ಲೆಯ ಎಲ್ಲಾ ನಾಗರಿಕರು ತಮಗೆ ಸಂಬಂಧಿಸಿದ ಕಚೇರಿಗಳಿಗೆ ಹೋಗಿ ಅರ್ಜಿ ನೀಡುವ ಬದಲು ವಾಟ್ಸಪ್ ಮೂಲಕ ನೀಡಲು ಜಿಲ್ಲಾಡಳಿತದಿಂದ ಕೋರಿದೆ.
ವಿ.ಸೂ.: ಅರ್ಜಿದಾರರು ಅರ್ಜಿಯಲ್ಲಿ ನಿಮ್ಮ ಹೆಸರು, ಮೊಬೈಲ್ ನಂಬರ್, ವಿಳಾಸ ಹಾಗೂ ಅರ್ಜಿ ಸಲ್ಲಿಸಲು ಉದ್ದೇಶವನ್ನು ಲಿಖಿತವಾಗಿ ತಮ್ಮ ಸಹಿಯೊಂದಿಗೆ ಸಲ್ಲಿಸಲು ಕೋರಿದೆ.