ಧಾರವಾಡ prajakiran.com : ಪೊಲೀಸ್ ಇನ್ಸಪೆಕ್ಟರ್ಗಳ ಹೆಸರಿನಲ್ಲಿ ನಕಲಿ ಫೇಸಬುಕ್ ಖಾತೆ ಸೃಷ್ಟಿಸಿ ಹಣ ವಂಚನೆಮಾಡಿರುವ ಪ್ರಕರಣಗಳು ಧಾರವಾಡದಲ್ಲಿ ನಡೆದಿರುವುದು ತಡವಾಗಿ ಬೆಳಕಿಗೆ ಬಂದಿದೆ.
ಧಾರವಾಡ ಪೊಲೀಸ್ ತರಬೇತಿ ಶಾಲೆಯಲ್ಲಿ ಇನ್ಸಪೆಕ್ಟರ್ ಗಳಾಗಿರುವ ಗಿರೀಶ ಬೋಜಣ್ಣವರ, ವೈ.ಡಿ.ಅಗಸಿಮನಿ ಹಾಗೂ ಪಿ ಎಸ್ ಐ ವನಮಾಲಾ ಅವರ ಹೆಸರಿನಲ್ಲಿ ಈ ನಕಲಿ ಫೇಸ್ ಬುಕ್ ಖಾತೆಗಳನ್ನು ತೆಗೆದು ಸಾವಿರಾರು ರೂಪಾಯಿ ಹಣ ಪೀಕಿದ್ದಾರೆ.
ಇನ್ಸಪೆಕ್ಟರ್ ವೈ.ಡಿ. ಅಗಸಿನಮನಿ ಅವರ ಹೆಸರಿನಲ್ಲಿ ಬೆಂಗಳೂರಿನ ಒಬ್ಬರಿಂದ ಹದಿನೈದು ಸಾವಿರ, ಬಳ್ಳಾರಿಯ ಇಬ್ಬರಿಂದ 15-20 ರೂಪಾಯಿ ಪೀಕಿದ್ದಾರೆ.ಹೀಗೆ ಇನ್ಸಪೆಕ್ಟರ್ ಹೆಸರಿನಲ್ಲಿ 35-40 ಸಾವಿರ ಹಣ ಪಡೆದಿದ್ದಾರೆ.
ನಾಳೆ ಹಿಂತಿರುಗಿಸುವುದಾಗಿ ಹೇಳಿದ್ದಾರೆ. ಆದರೆ ಅದು ಫೇಕ್ ಐಡಿ ಎಂಬುದು ಅವರ ಸ್ನೇಹಿತರಿಗೆ ಗೊತ್ತಾಗಿಲ್ಲ. ಫೇಸಬುಕ್ ನಲ್ಲಿ ಕೂಡ ಈಗ ನಕಲಿ ಕಳ್ಳರಿದ್ದಾರೆ ಎಚ್ಚರಿಕೆ ಇರುವುದು ಒಳಿತು ಎಂದರೆ ತಪ್ಪಾಗಲಾರದು.
ಈ ಕುರಿತು ಅವರು ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಅವರು ಪ್ರಕರಣ ದಾಖಲಿಸಿದ್ದಾರೆ. ಕಳೆದ ಹಲವು ದಿನಗಳಿಂದ ಇಂತಹ ದಂಧೆ ಜೋರಾಗಿ ನಡೆದಿದ್ದು, ಯಾಮಾರುವ ಮುನ್ನ ಇರಲಿ ಎಚ್ಚರ.
ಅದೇ ರೀತಿ ಪೊಲೀಸ್ ತರಬೇತಿ ಶಾಲೆಯ ಇನ್ಸಪೆಕ್ಟರ್ ಗಿರೀಶ್ ಬೋಜಣ್ಣವರ, ಪಿ ಎಸ್ ಐ ವನವಾಲಾ ಅವರ ಹೆಸರಿನಲ್ಲೂ ನಕಲಿ ಫೇಸಬುಕ್ ಖಾತೆ ತೆಗೆದು ಹಣ ವಂಚಿಸಿದ್ದಾರೆ ಎಂದು ತಿಳಿದುಬಂದಿದೆ.
ಅವರು ಕೂಡ ಈ ಕುರಿತು ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ ಎಂದು ಪ್ರಜಾಕಿರಣ.ಕಾಮ್ ಗೆ ಮೂಲಗಳು ತಿಳಿಸಿವೆ
