ನವದೆಹಲಿ Prajakirana. Com : ದೇಶದಲ್ಲಿ ಕೊರೋನಾ ಪ್ರಕರಣಗಳು ಹೆಚ್ಚುತ್ತಲೇ ಇದೆ.
ಮಹಾರಾಷ್ಟ್ರದಲ್ಲಿ ಅತಿ ಹೆಚ್ಚು ಕೋವಿಡ್ ಪ್ರಕರಣಗಳು ಕಂಡುಬರುತ್ತಿವೆ.
ಈ ಕುರಿತು ಕೇಂದ್ರ ರೈಲ್ವೆ ಇಲಾಖೆಯು ಮಹಾರಾಷ್ಟ್ರದ ನಂದುರ್ಬಾರ್ ಜಿಲ್ಲೆಗೆ 94 ಕೋವಿಡ್ ಕೇರ್ ಕೋಚ್‌ಗಳನ್ನು ನೀಡಿದೆ.
ದೇಶದಲ್ಲಿ ಈಗಾಗಲೇ 4000 ಕೋವಿಡ್ ಕೇರ್ ಬೋಗಿಗಳು ಕಾರ್ಯ ನಿರ್ವಹಿಸುತ್ತಿವೆ.
ನಂದುರ್ಬಾರ್ ಜಿಲ್ಲೆಯಿಂದ ಈ ಕೋವಿಡ್ ಕೇರ್ ಕೋಚ್ ಗಳಿಗೆ ಆರು ಮಂದಿ ದಾಖಲಾಗಿದ್ದಾರೆ.
ಸದ್ಯ ನೀಡಿರುವ ಕೋಚ್‌ಗಳಲ್ಲಿ ಅತೀ ಕಡಿಮೆ ಪ್ರಮಾಣ ಸೋಂಕು ತಗುಲಿರುವ ವ್ಯಕ್ಯಿಗಳನ್ನು ಮಾತ್ರ ದಾಖಲಿಸಲಾಗುತ್ತೆ ಎಂದು ಕುಟುಂಬ ಕಲ್ಯಾಣ ಇಲಾಖೆ ತಿಳಿಸಿದೆ.
ಇನ್ನು ಕಳೆದ ವರ್ಷ ಕೂಡ ದೆಹಲಿ, ಉತ್ತರ ಪ್ರದೇಶ, ಆಂಧ್ರ ಪ್ರದೇಶ, ತೆಲಂಗಾಣ ಮತ್ತು ಮಧ್ಯ ಪ್ರದೇಶದಲ್ಲಿ ಕೋವಿಡ್ ಕೇರ್ ಸೆಂಟರ್‌ಗಳಾಗಿ ರೈಲುಗಳ ಬೋಗಿಗಳನ್ನು ಬಳಕೆ ಮಾಡಲಾಗಿತ್ತು.
ಅದರಂತೆಯೇ ಈಗಲೂ ಬೋಗಿಗಳನ್ನು ಕೇರ್ ಸೆಂಟರ್‌ಗಳಾಗಿ ಬಳಕೆ ಮಾಡಲಾಗುತ್ತಿದೆ.
